Сілавікі з ГУБАЗіКу затрымалі грамадзяніна Беларусі, які нядаўна вярнуўся з Польшчы. У тэлеграм-канале, зьвязаным зь сілавікамі, зьявілася «пакаяннае відэа» з маладым чалавекам, піша Zerkalo.io. На відэа хлопец кажа, што ён 1994 году нараджэньня. Інфармацыі, калі ён вярнуўся і быў затрыманы, няма.
У публікацыі ня ўказваецца, ці заведзена на яго крымінальная справа. Але хлопца абвінавацілі ў «актыўным удзеле ў масавых беспарадках, якія суправаджаліся гвалтам, пагромамі, падпаламі». Нібыта ён у 2020 годзе «заклікаў учыняць гвалт» над міліцыяй.
Гэта ня першы падобны выпадак. У прыватнасьці, дачку і зяця Яўгена Лівянта затрымалі ў сьнежні мінулага году таксама па вяртаньні з Польшчы.
