Сёлета ўлады павялічылі шэраг падаткаў. Зьмены апублікавалі ў новым Падаткавым кодэксе. Сярод іх:
- Падатак на першую кватэру (узрос на 11,1%).
- Стаўка падатку на прыбытак (з 18 да 20%).
- Адзіны падатак для індывідуальных прадпрымальнікаў і фізічных асоб, якія працуюць без ІП.
- Для апэратараў сотавай сувязі падоўжылі дзеяньне падвышанага падатку на прыбытак ў памеры 30% (замест ранейшых 18%). Новы памер падатку будзе дзейнічаць да 1 студзеня 2025 году.
- Павысіліся стаўкі акцызаў на алкаголь і цыгарэты. Так, з 1 студзеня стаўкі для цыгарэт першай цэнавай групы ўзьнялі да 55,6 рубля, з красавіка яны вырастуць да 66,25 рубля, зь ліпеня — да 78,97 рубля, а з кастрычніка — да 95,59 рубля.
- Закранулі зьмены і ўладальнікаў сабак. Падвышаны збор заплоцяць цяпер тыя, чыім сабакам больш за тры месяцы. Яго трэба ўносіць адзін раз за тры месяцы.
- Большымі сталі таксама стаўкі зямельнага падатку.
