Лінкі ўнівэрсальнага доступу

Добраахвотнікі палка Каліноўскага атрымалі ўзнагароды «За мужнасьць» ад украінскай выведкі


Фота прэс-службы палка Каліноўскага
Фота прэс-службы палка Каліноўскага

Чатыры беларускія добраахвотнікі з палка імя Кастуся Каліноўскага атрымалі ўзнагароды ад Галоўнага ўпраўленьня выведкі Мінабароны Ўкраіны, паведаміла 24 сьнежня прэс-служба падразьдзяленьня.

Байцы былі атрымалі ўзнагароды «За мужнасьць пры выкананьні спэцзаданьняў».

Полк імя Кастуся Каліноўскага — найбольшае ўтварэньне беларускіх добраахвотнікаў ва Ўкраіне. Паўстаў 9 сакавіка 2022 году як батальён. Аснову склалі байцы тактычнай групы «Беларусь», якія бралі ўдзел у баявых дзеяньнях на ўсходзе Ўкраіны ў 2014–2016 гадах. У траўні батальён быў перафармаваны ў полк, які складаўся з батальёнаў «Волат» і «Тэрор». На сёньня полк складаецца з батальёнаў «Волат» і «Ліцьвін». Першым камандзірам батальёну Каліноўскага быў мянчук Юры Макітаў. Ад траўня камандзірам стаў Дзяніс «Кіт» Прохараў. Яго намесьнік — Вадзім «Ігар» Кабанчук.

Сярод заўважных людзей у кіраўніцтве называюць былога маладафронтаўца Міколу Дземідзенку, а таксама Арцёма «Ваніша» Войніча.

Полк Каліноўскага ўваходзіць у склад Інтэрнацыянальнага легіёну. Апроч «каліноўцаў», туды ўваходзяць добраахвотнікі з Грузіі, Чачні, Расеі, а таксама зь іншых краін сьвету.

З словаў міністра замежных справаў Украіны Дзьмітра Кулебы, на пачатак поўнамаштабнай вайны ў складзе легіёну былі людзі з 52 краін. Полк Каліноўскага знаходзіцць ў падпарадкаваньні Галоўнага ўпраўленьня выведкі Міністэрства абароны Ўкраіны, але пры гэтым мае аўтаномнасьць у прыняцьці рашэньняў, найперш праз колькасьць байцоў (фармаваньне не называе лічбаў).

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG