Бацька Сьвятаслава апошнія гады жыў у расейскім Новасібірску. Ён прыляцеў адтуль, каб забраць сына з прытулку, бо іншым сваякам дзіця не аддавалі. Для таго каб забраць сына, Канстанцін мусіў сабраць неабходныя дакумэнты.
Пакуль сын і тата будуць жыць у Гомлі.
Супраць Ларысы Шчыраковай, якую затрымалі 6 сьнежня, распачалі крымінальную справу паводле артыкула 369-1 Крымінальнага кодэксу («дыскрэдытацыя Рэспублікі Беларусь»). Ёй пагражае да 4 гадоў пазбаўленьня волі.
Акалічнасьці крымінальнай справы пакуль не вядомыя. Адвакатка пад падпіскай аб неразгалошваньні.
Улады Беларусі павінны абнародаваць прычыну арышту былой журналісткі Ларысы Шчыраковай або неадкладна вызваліць яе, заявіў 9 сьнежня Камітэт абароны журналістаў. З асуджэньнем арышту Шчыраковай таксама выступілі міністэрствы замежных спраў Канады і Нідэрляндаў.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў