Лінкі ўнівэрсальнага доступу

Зяленскі: расейскія войскі «фактычна зруйнавалі» Бахмут


У Бахмуце пасьля расейскіх абстрэлаў гарыць жылы дом. Фота 7 сьнежня 2022 году
У Бахмуце пасьля расейскіх абстрэлаў гарыць жылы дом. Фота 7 сьнежня 2022 году

Прэзыдэнт Украіны Ўладзімір Зяленскі заявіў, што расейскія войскі «фактычна зруйнавалі» Бахмут у Данецкай вобласьці.

У вечаровым звароце кіраўнік украінскай дзяржавы падкрэсьліў, што на ключавых кірунках Данбасу — Бахмуце, Саледары, Мар’інцы — застаецца «вельмі складанай» прыфрантавая сытуацыя.

«На зямлі гэтых раёнаў не засталося ніводнага жывога месца, якое б даўно не пацярпела ад снарадаў і агню. Акупанты фактычна зруйнавалі Бахмут, яшчэ адзін горад Данбасу, які расейскае войска ператварыла ў спаленыя руіны. Я дзякую ўсім нашым героям, усім салдатам і камандзірам, якія трымаюць фронт на гэтых кірунках, адбіваюць атакі і наносяць ворагу значныя страты ў адказ на тое пекла, якое ўвайшло ва Ўкраіну пад расейскім сьцягам», — сказаў прэзыдэнт Украіны.

На працягу многіх дзён у франтавых зводках Бахмуцкі і Аўдзееўскі напрамкі называліся самымі гарачымі кропкамі ўсходняга фронту. Дзякуючы перакідцы войскаў з Херсона расейскім акупантам удалося крыху прасунуцца на Данбасе. Украіна таксама ўзмацнілася па кірунках. Амэрыканскі інстытут вывучэньня вайны заявіў аб плянах захопнікаў акружыць горад.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG