Лінкі ўнівэрсальнага доступу

Улады Канады заявілі аб падтрымцы дэмакратычнага руху ў Беларусі


Дэмакратычная лідэрка Беларусі Сьвятлана Ціханоўская зь міністрам замежных справаў Канады Мэляні Жалі
Дэмакратычная лідэрка Беларусі Сьвятлана Ціханоўская зь міністрам замежных справаў Канады Мэляні Жалі

Падчас візыту дэмакратычнай лідэркі Беларусі Сьвятланы Ціханоўскай ў Канаду сваю падтрымку ёй і усёй беларускай апазыцыі выказалі прэм’ер-міністар краіны Джастын Трудо і міністарка замежных справаў Мэляні Жалі.

Сьвятлана Ціханоўская падчас свайго візыту ў Канаду сустрэлася зь міністрам замежных справаў краіны Мэляні Жалі, зь якой абмеркавала парушэньні правоў чалавека ў Беларусі, саўдзел рэжыму Лукашэнкі ў вайне супраць Украіны і падтрымку дэмакратычнага руху.

«Дзякуй, Сьвятлана, за вашае лідэрства. Канада побач з вамі», — напісала пасьля размовы зь Ціханоўскай Мэляні Жалі.

Ціханоўская ў сваю чаргу пацьвердзіла «цьвёрдую падтрымку Канадаю свабоднай і дэмакратычнай Беларусі» і падзякавала Жалі за «цёплую сустрэчу».

Ціханоўская таксама адзначыла, што вітае рашэньне аб увядзеньні Канадай новага пакету санкцыяў супраць кампаніяў і прыватных асобаў, якія падтрымліваюць тэрор супраць беларусаў і вайну Пуціна супраць Украіны.

Новыя санкцыі анансаваў прэм’ер-міністар краіны Джастын Трудо.

«Канада падтрымлівае лідэра беларускай апазыцыі Сьвятлану Ціханоўскую і дэмакратычны рух у Беларусі. На гэтым тыдні, вітаючы яе ў Канадзе, мы робім далейшыя крокі для яшчэ большага ціску на беларускае кіраўніцтва», — заявіў Трудо.

«Канада накладае санкцыі яшчэ на 22 беларускія службовыя асобы, у тым ліку тых, хто мае дачыненьне да разьмяшчэньня і перавозкі расейскіх вайскоўцаў і тэхнікі, якая ўдзельнічала ва ўварваньні ва Ўкраіну. — Канада таксама ўводзіць санкцыі яшчэ супраць 16 беларускіх кампаній, зьвязаных з вайсковай прамысловасьцю, тэхналёгіямі, машынабудаваньнем, банкаўскай справай і чыгуначнымі перавозкамі», — напісаў палітык.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG