У заяве расейскага МЗС у суботу гэтае рашэньне назвалі «беспрэцэдэнтным і правакацыйным».
Паседжаньне прызначанае на першыя дні сьнежня ў горадзе Лодзь. У пятніцу Польшча паведаміла, што не дапусьціць на мерапрыемства чыноўнікаў, якія знаходзяцца пад санкцыямі Эўразьвяза. Лаўроў трапіў у санкцыйныя сьпісы ў лютым, пасьля пачатку поўнамаштабнага ўварваньня Расеі ва Ўкраіну.
Польшча старшынюе ў АБСЭ ў 2022 годзе. Расейскі МЗС заявіў, што рашэньне аб нядопуску несумяшчальнае са статусам старшыні. Міністэрства паведаміла, што папрасіла іншых сяброў арганізацыі ацаніць дзеяньні Варшавы.
Раней краіна заблякавала ўдзел расейскіх парляментарыяў у восеньскай сэсіі АБСЭ ў Варшаве. Сябрам дэлегацыі заявілі, што гэта парушыць прынцып салідарнасьці з Украінай, перадае польскае радыё RMF FM. У Маскве лічаць, што гэта не дае АБСЭ выконваць свае функцыі. Масква заявіла, што дзеяньні Варшавы «штурхаюць АБСЭ ў прорву».
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў