Лінкі ўнівэрсальнага доступу

Краіны ЭЗ нацыяналізуюць структуры «Газпрому»


«Газпром Нямеччына»
«Газпром Нямеччына»

Адразу дзьве краіны Эўразьвязу аб’явілі аб нацыяналізацыі структураў, раней падкантрольных расейскаму «Газпрому». У панядзелак міністар разьвіцьця і тэхналёгіяў Польшчы Вальдэмар Буда апублікаваў рашэньне, паводле якога Польшча адбірае «газпромаўскую» долю ў кампаніі EuRoPol Gaz, якая кіруе польскім участкам сеткі газаправодаў «Ямал — Эўропа».

Паводле рашэньня Буды, над долямі «Газпрому» будзе пастаўлена часовая прымусовая адміністрацыя. Гэта неабходна, паколькі сам «Газпром» пад санкцыямі Эўразьвязу і ня можа ў поўнай меры адказваць за бесьперабойнае функцыянаваньне крытычна важнай інфраструктуры.

У той жа дзень Нямеччына, як паведамляе Financial Times, абвясьціла аб нацыяналізацыі мясцовай даччынай кампаніі расейскага газавага канцэрну — кампаніі Gazprom Germania. Яна будзе пераназваная ў Securing Energy for Europe GmbH (SEFE). Як лічаць нямецкія ўлады, нацыяналізацыя неабходная для захаваньня энэргетычнай бясьпекі краіны: ад SEFE ускосна залежыць найбуйнейшае ў Нямеччыне газасховішча ў камуне Рэдэн у Ніжняй Саксоніі. 12 лістапада Эўракамісія вылучыла на разьвязаньне гэтай праблемы 225,6 млн. эўра.

Пасьля пачатку вайны Нямеччына абʼявіла аб плянах паступова адмовіцца ад расейскіх энэрганосьбітаў. Раней з Расеі імпартавалі 40% усяго прыроднага газу, які выкарыстоўваецца ў краіне. Цяпер гэты паказьнік упаў да 7%.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG