Акцыі адбыліся ў больш чым 20 гарадах на некалькіх кантынэнтах.
Каля амбасады Беларусі ў Чэхіі адбылася акцыя памяці Рамана Бандарэнкі. Прысутныя прадстаўнікі дыяспары казалі пра становішча ў Беларусі, чыталі вершы, прысьвечаныя Раману Бандарэнку. Сярод выступоўцаў былі тыя, хто асабіста ведаў Рамана.
Удзельнікі акцыі памяці Рамана Бандарэнкі ў Вільні не прапусьцілі машыну дыпляматаў Беларусі на тэрыторыю амбсады.
Акцыя ў памяць Рамана Бандарэнкі перад амбасадай Беларусі ў Вільні. ФОТА
У другую гадавіну забойства Рамана Бандарэнкі падчас пратэстаў у Менску, у Вільні прайшла акцыя беларусаў перад беларускай амбасадай. Людзі прыносілі кветкі і лямпадкі да імправізаванага мэмарыялу перад агароджай установы.
У Беластоку ўвечары беларусы таксама правялі акцыю памяці Рамана Бандарэнкі.
