20 кастрычніка ў парлямэнце Малдовы стварылі групу падтрымкі дэмакратычнай Беларусі, паведамляе партал newsmaker.md. У яе ўвайшлі 19 дэпутатаў ад кіраўнічай праэўрапейскай партыі «Дзеяньне і салідарнасьць». Узначаліць групу дэпутатка Марына Марозава.
«Стварыўшы дэпутацкую групу падтрымкі дэмакратычнай Беларусі, парлямэнт пацьвердзіць сваю прыхільнасьць да прасоўваньня дэмакратычных каштоўнасьцяў і абароны асноўных правоў і свабодаў чалавека», — гаворыцца ў прэс-рэлізе парлямэнту.
Група мае займацца дыялёгам паміж парлямэнтам Малдовы і дэмакратычным рухам Беларусі.
