Па дадзеных ведамства, страляніна адбылася падчас занятку па агнявой падрыхтоўцы з добраахвотнікамі, якія вырашылі адправіцца на вайну ва Ўкраіне. Двое тых, хто нападаў, былі забітыя.
Тэлеграм-канал SOTA сьцьвярджае, што страляніна адбылася на палігоне ў пасёлку Солаці. Там разьмешчаны лягер, у якім, у прыватнасьці, знаходзяцца больш за 100 мабілізаваных з Бранскай вобласьці, якія адмовіліся ехаць пад Ліман Данецкай вобласьці. Па дадзеных тэлеграм-каналу Mash, у выніку страляніны загінулі добраахвотнікі з Бранскай вобласьці.
