Лінкі ўнівэрсальнага доступу

Ціханоўская і Навальны на чале неафіцыйнага «кароткага сьпісу» фаварытаў на атрыманьне Нобэлеўскай прэміі міру


Інстытут дасьледаваньня міру ў Осла (Peace Research Institute Oslo) апублікаваў свой «кароткі сьпіс» фаварытаў на атрыманьне сёлетняй Нобэлеўскай прэміі міру.

У сьпісе зь пяці пазыцый першы радок належыць сумесна Сьвятлане Ціханоўскай і Аляксею Навальнаму.

«Сьвятлана Ціханоўская адыграла вядучую ролю ў негвалтоўным выкліку Лукашэнку і беларускім уладам, заклікаючы як да справядлівых выбараў, так і да спыненьня гвалту супраць тых, хто дэманструе супраць злоўжываньняў цяперашняга рэжыму. (…) За яе канкрэтную ролю ў кампаніі за дэмакратыю ў Беларусі і як дзяячкі дэмакратычнага руху ў Беларусі Ціханоўская была б годнай атрымальніцай Нобэлеўскай прэміі міру», — напісаў Генрык Урдаль, дырэктар Інстытуту дасьледаваньня міру ў Осла.

«Нобэлеўскую прэмію міру за 2022 год павінен атрымаць (супольна зь Ціханоўскай. — РС) расейскі дэмакратычны дзеяч Аляксей Навальны, антыкарупцыйны актывіст і лідэр апазыцыі, які адыграў цэнтральную ролю ў негвалтоўнай барацьбе за дэмакратыю ў Расеі», — таксама адзначыў Урдаль.

Нобэлеўскую прэмію міру, згодна з воляй фундатара ўзнагароды Альфрэда Нобэля, прысуджае ўтвораны нарвэскім парлямэнтам адмысловы камітэт. Гэты камітэт, як і ўсе іншыя камітэты Нобэлеўскай прэміі, не публікуе ніякіх сьпісаў фаварытаў.

«Нобэлеўскі тыдзень» пачынаецца ў панядзелак, 3 кастрычніка. Ляўрэат Нобэлеўскай прэміі міру будзе абвешчаны ў пятніцу, 7 кастрычніка.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG