Паводле інфармацыі парталу Delfi, міністар унутраных справаў будзе прымаць рашэньне аб выдачы ЧДЖ, калі гэта «адпавядае інтарэсам Латвіі, міжнародным прававым нормам або зьвязана з гуманітарнымі меркаваньнямі».
Беларус можа запрошваць ЧДЖ тэрмінам ня больш за 6 месяцаў, калі ён зьяўляецца сваяком грамадзяніна, неграмадзяніна Латвіі ці іншаземца са сталым ЧДЖ.
Акрамя таго, беларускі грамадзянін можа прэтэндаваць на ЧДЖ на тэрмін ня больш за пяць гадоў, «калі ён зьяўляецца індывідуальным прадпрымальнікам, зарэгістраваным у Камэрцыйным рэгістры».
Самазанятыя грамадзяне Беларусі маюць права на атрыманьне ЧДЖ на тэрмін не больш за адзін год.
Дазвол на жыхарства, які дзейнічае да трох гадоў, могуць атрымаць грамадзяне Беларусі, пераведзеныя ў латвійскія аддзяленьні кампаніяў на пасаду мэнэджара або спэцыяліста.
Навукоўцы зь беларускім грамадзянствам маюць права на латвійскі ЧДЖ на тэрмін, указаны ў дамове з навуковай установай, але ня больш як на пяць гадоў.
Студэнты акрэдытаваных у Латвіі адукацыйных устаноў могуць атрымаць ЧДЖ на пэрыяд навучаньня плюс дадатковыя чатыры месяцы.
Дазвол на часовае пражываньне ў Латвіі таксама могуць атрымаць уладальнікі картаў сталага рэзыдэнта іншых краінаў ЭЗ, заснавальнікі стартапаў і іншыя.
