Лінкі ўнівэрсальнага доступу

Палітвязьня Сьцяпана Латыпава на два гады пераводзяць на турэмны рэжым


Сьцяпан Латыпаў
Сьцяпан Латыпаў

У судзе Івацэвіцкага раёну 15 верасьня адбыўся суд па замене Сьцяпану Латыпаву пакараньня на больш жорсткае, паведамляе Вясна. На пасяджэньні, акрамя судзьдзі, пракуроркі і супрацоўніка папраўчай калёніі, прысутнічаў і прадстаўнік Івацэвіцкага райвыканкаму ў якасьці назіральніка.

Пры гэтым суд заслухоўваў ягоную думку па кожным пытаньні. Латыпаў адразу хадайнічаў, каб на працэсе ў якасьці сьведак выступілі начальнік прамысловай зоны і намесьнік начальніка калёніі Сьвірыд, але суд адмовіў.

Вядома, што адміністрацыя калёніі патрабавала, каб палітвязьня перавялі ў турму на тры гады, але судзьдзя Аляксандар Кірыловіч пастанавіў перавесьці яго на турэмны рэжым тэрмінам на два гады. Хутка Латыпава этапуюць у турму.

Нядаўна стала вядома, што Латыпаў у ліпені на знак пратэсту супраць дзеяньняў адміністрацыі папраўчай калёніі № 22 глытаў лязо і рэзаў вену на руцэ. За гэта ён атрымаў 17 сутак у штрафным ізалятары.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG