Лінкі ўнівэрсальнага доступу

Ужо сёньня: гадавіна тэрарыстычнай атакі на ЗША, круглая дата Ціханоўскай


Гараць вежы Сусьветнага гандлёвага цэнтру, 9 верасьня 2001 году
Гараць вежы Сусьветнага гандлёвага цэнтру, 9 верасьня 2001 году

Падзеі 11 верасьня ў Беларусі і сьвеце.

Дата дня

11 верасьня 2016 году памёр Юры Хадыка, вучоны, мастацтвазнаўца, грамадзкі дзеяч, удзельнік нацыянальна-культурніцкага руху 1970–1980-х і нацыянальна-дэмакратычнага руху 1980-х — пач. ХХІ ст.

Юры Хадыка
Юры Хадыка

Гэты дзень у гісторыі

1918 — выйшаў дэкрэт аб увядзеньні міжнароднай мэтрычнай сыстэмы мер і вагі на тэрыторыі Беларусі, Расеі і Ўкраіны.

1942 — нацысты зьнішчылі Столінскае гета.

1973 — пачатак вайсковага путчу ў Чылі, вынікам якога стала 17-гадовая дыктатура.

2001 — адбылася тэрарыстычная атака на Сусьветны гандлёвы цэнтар і Пэнтагон у ЗША. Атака была ўчыненая з дапамогай чатырох пілятаваных самалётаў унутраных авіялініяў ЗША, захопленых 19 ісламскімі тэрарыстамі. Два з самалётаў разьбіліся аб хмарачосы-блізьняты Сусьветнага гандлёвага цэнтру ў Нью-Ёрку, трэці зьнішчыў частку Пэнтагону ў Вашынгтоне. Чацьвёрты самалёт, дзякуючы мужнаму супраціву пасажыраў, не дасягнуў мэты і разьбіўся на палях Пэнсільваніі прыблізна за 15 хвілін лёту да Вашынгтону. Ахвярамі атакі сталіся 2996 чалавек, уключна з тэрарыстамі.

У гэты дзень нарадзіліся

1862 — О. Генры, амэрыканскі пісьменьнік.

1865 — Ян Райніс, латыскі паэт, драматург.

Беларускія пісьменьнікі на сустрэчы зь Янам Райнісам. Сядзяць: Зьмітрок Бядуля, Ян Райніс, Янка Купала, Кандрат Крапіва. Стаяць: Язэп Пушча, Адам Бабарэка, Уладзімер Дубоўка, Пятро Глебка, Кузьма Чорны. 19 лістапада 1926 г.
Беларускія пісьменьнікі на сустрэчы зь Янам Райнісам. Сядзяць: Зьмітрок Бядуля, Ян Райніс, Янка Купала, Кандрат Крапіва. Стаяць: Язэп Пушча, Адам Бабарэка, Уладзімер Дубоўка, Пятро Глебка, Кузьма Чорны. 19 лістапада 1926 г.

1855 — Еўдакім Раманаў, беларускі археоляг, гісторык, этнограф, фальклярыст.

1877 — Фэлікс Дзяржынскі, стваральнік савецкіх спэцслужбаў, ураджэнец Беларусі.

Бюст Фелікса Дзяржынскага ў Менску насупраць будынку КДБ
Бюст Фелікса Дзяржынскага ў Менску насупраць будынку КДБ

1928 — Алесь Белакоз, пэдагог, краязнаўца, удзельнік антысавецкіх пратэстаў канца 1940-х, нацыянальна-культурніцкага руху 1960–1970-х і нацыянальна-дэмакратычнага руху 1980-х — пач. ХХІ ст.

Алесь Белакоз
Алесь Белакоз

1953 — Вінцэсь Мудроў, беларускі пісьменьнік.

Вінцэсь Мудроў
Вінцэсь Мудроў

1972 — Алесь Пашкевіч, беларускі пісьменьнік і мовазнаўца.

Алесь Пашкевіч
Алесь Пашкевіч

1982 — Сьвятлана Ціханоўская, беларускі палітык.

Сьвятлана Ціханоўская
Сьвятлана Ціханоўская

У памяці

1530 — князь Канстанцін Астроскі, дзяржаўны дзеяч і гетман Вялікага Княства Літоўскага. Камандаваў войскамі ВКЛ у бітве пад Воршай 8 верасьня 1514 году, у якой 35 тысяч літоўска-беларускіх і польскіх ваяроў разьбілі 80-тысячнае маскоўскае войска.

Канстанцін Астроскі
Канстанцін Астроскі

1841 — Міхал Рукевіч, вайсковец, удзельнік вызвольнага руху 1820-х, паліткатаржанін.

1973 — Сальвадор Альендэ, прэзыдэнт Чылі. Альендэ быў срынуты з пасады ў выніку вайсковага перавароту, кіраванага Аўгустам Піначэтам, пасьля чаго скончыў жыцьцё самагубствам.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG