Пра гэта паведамляе ВВС.
8 верасьня Букінгемскі палац распаўсюдзіў паведамленьне аб тым, што 96-гадовая каралева знаходзіцца пад назіраньнем лекараў, занепакоеных станам яе здароўя.
Чальцы парлямэнту даведаліся пра гэта падчас дэбатаў пра энэргетычны крызіс у краіне. Сьпікер перапыніў выступы, каб паведаміць навіну.
У аўторак яна прыняла новую прэмʼер-міністарку Ліз Трас, насуперак традыцыі, не ў Букінгемскім палацы, а ў Балморале. У сераду ўвечары Лізавета, па рэкамэндацыі лекараў, прапусьціла прыём з Тайнай радай Вялікай Брытаніі, на якім Трас і яе міністры павінны былі прынесьці фармальную прысягу.
Каралева ўзышла на пасад у 1952 годзе, у 2015 годзе яна стала манархам, які правіў найдаўжэй ва ўсёй гісторыі Вялікай Брытаніі і Англіі. У чацьвер, пасьля паведамленьня аб пагаршэньні стану яе здароўя, вядучыя брытанскія палітыкі ў сацыяльных сетках жадаюць ёй хутчэй акрыяць.
Каралева Лізавета ІІ калісьці і ў апошні год жыцьця. Фотагалерэя
