Маніторынгавая група «Беларускі Гаюн», якая спэцыялізуецца на маніторынгу ваеннай актыўнасьці ў Беларусі, паведамляе аб ракетных ударах з беларускай тэрыторыі па Ўкраіне.
У напрамку паўднёвага захаду некалькі ракет з расейскіх зьнішчальнікаў каля 19:30 былі запушчаныя з тэрыторыі Кастрычніцкага раёну Беларусі, з Петрыкава, Турава. У Кастрычніцкім раёне быў заўважаны бамбавік Ту-22М. У Столінскім паведамлялі аб гуках стрэлаў у небе.
Пазьней над Мсьціславам заўважылі самалёты, якія вярталіся ў Расею.
Ва Ўкраіне паведамляюць аб «прылётах» у Ровенскай і Валынскай вобласьці, ёсьць інфармацыя аб адсутнасьці электрычнасьці ў Сарненскім раёне Ровеншчыны. Ракетныя ўдары пацьвердзіў кіраўнік Ровенскай АА Віталь Коваль. Паводле яго, патрапілі ў аб'ект ваеннай інфраструктуры. Паводле папярэдняй інфармацыі, ахвяр няма.
