У сьпіс «экстрэмістаў» дадалі пяць чалавек, туды ўнесьлі і школьную настаўніцу зь Ліды

Пра гэта паведаміў праваабарончы цэнтар «Вясна».

У пералік унесены дадзеныя:

• Аксаны Касьпяровіч, настаўніцы музычнай школы зь Ліды, якую 29 чэрвеня Горадзенскі абласны суд пакараў па арт. 130 Крымінальнага кодэксу пазбаўленьнем волі на год і два месяцы ў калёніі агульнага рэжыму;
• Паўла Мякіша, жыхара Горадні, які быў асуджаны тым самым судом па арт. 16, 130, 203-1;
• Вадзіма Кавалёва, жыхара Віцебску, асуджанага судом Кастрычніцкага раёну па арт. 370 (вызвалены, але судзімасьць не пагашана);
• Ганны Вольскай, жыхаркі Магілёву, асуджанай судом Ленінскага раёну па арт. 369;
• палітвязьня Валерыя Кліменчанкі, жыхара Маладэчны, асуджанага Менскім абласным судом па арт. 130.

Усяго пералік налічвае 469 пазыцыяў. Абсалютная большасьць фігурантаў сьпісу — грамадзяне Беларусі.

ГЛЯДЗІЦЕ ТАКСАМА:

10 «экстрэмістаў», 19 «тэрарыстаў». Што адбываецца зь беларускай культурай, расказвае Тацяна Нядбай

Артыкулы, якія інкрымінавалі фігурантам:

• арт. 16 КК — саўдзел у злачынстве;
• арт. 130 — распальваньне расавай, нацыянальнай, рэлігійнай або іншай сацыяльнай варожасьці;
• арт. 203-1 — незаконныя дзеяньні ў адносінах да інфармацыі аб прыватным жыцьці і пэрсанальных зьвестках;
• арт. 369 — абраза прадстаўніка ўлады;
• арт. 370 — зьдзек зь дзяржаўных сымбаляў.

ГЛЯДЗІЦЕ ТАКСАМА:

СК Беларусі стварыў «крыміналістычную відэатэку». Зь яе дапамогай вызначаюць удзельнікаў пратэстаў