Лінкі ўнівэрсальнага доступу

Паводкі ў Пакістане забралі жыцьці амаль тысячы чалавек, урад абвясьціў надзвычайнае становішча


У Пакістане ахвярамі ліўневых дажджоў ужо сталі сама меней каля тысячы чалавек, у зоне бедзтва — дзясяткі мільёнаў жыхароў. Урад Пакістану абвясьціў надзвычайнае становішча на ўсёй тэрыторыі краіны.

Па зьвестак Нацыянальнага ўпраўленьня па барацьбе са стыхійнымі бедзтвамі (NDMA), агульная колькасьць загінулых у Пакістане ў выніку мусонных дажджоў гэтага сэзону зь сярэдзіны чэрвеня дасягнула 982 чалавек, яшчэ 1456 чалавек пацярпелі.

Акрамя таго, было разбурана 682 139 дамоў, 149 мастоў і 122 крамы.

У жылым раёне пасьля моцнага мусоннага дажджу ў горадзе Хайдарабад, 19 жніўня 2022 году
У жылым раёне пасьля моцнага мусоннага дажджу ў горадзе Хайдарабад, 19 жніўня 2022 году

25 жніўня ўрад Пакістану абвясьціў «агульнанацыянальнае надзвычайнае становішча» ў краіне.

Міністар у пытаньнях зьмены клімату Пакіствану Шэры Рэхман назвала паводкі «гуманітарнай катастрофай эпічных маштабаў», у выніку якой тысячы людзей засталіся бязь ежы і прытулку.

У выніку паводкі мясцовыя жыхары засталіся бяз даху над галавой. у Насірабад, правінцыя Белуджыстан, 22 жніўня 2022 году
У выніку паводкі мясцовыя жыхары засталіся бяз даху над галавой. у Насірабад, правінцыя Белуджыстан, 22 жніўня 2022 году

У пятніцу прэмʼер-міністар Пакістану Шахбаз Шарыф заявіў, што ад паводкі пацярпелі 33 мільёнаў чалавек (каля 15% жыхароў краіны).

Салдаты пакістанскай арміі ратуюць людзей ад паводк ў правінцыі Пенджаб
Салдаты пакістанскай арміі ратуюць людзей ад паводк ў правінцыі Пенджаб

Больш за ўсё пацярпелі паўднёвыя правінцыі Белуджыстан і Сінд, на тэрыторыі якіх зафіксавана больш за палову ўсіх пацьверджаных ахвяраў стыхіі.

У Белуджыстане, найбуйнейшай правінцыі Пакістана, па стане на пятніцу загінулі ня менш як 260 чалавек, рэгіён апынуўся фактычна ў інфармацыйнай і камунікацыйнай блякадзе. Паветраныя, аўтамабільныя і чыгуначныя зносіны там прыпыненыя, разбураны або пашкоджаны дзясяткі тысяч дамоў, загінула больш за паўмільёна галоў жывёлы. Не лепшая сытуацыя і ў правінцыі Сінд, дзе колькасьць пацьверджаных ахвяраў паводак ужо дасягнула 320 чалавек.

Мусонныя дажджы, якія суправаджаюцца паводкамі, — звыклая для жыхароў Паўднёвай Азіі прыродная зьява. Практычна штогод яны прыводзяць да разбурэньняў і гібелі людзей. Аднак сёлета бедзтва набыло сапраўды эпічныя маштабы, закрануўшы ўсе без выключэньня рэгіёны Пакістану.

Мусонны сэзон у Пакістане звычайна працягваецца з другой паловы чэрвеня па верасень, аднак першыя ліўні могуць пачацца і раней. Асаблівасьць 2022 году — звышдажджлівы жнівень. У гэтым месяцы, ў Пакістане ўжо выпала 166,8 мм ападкаў пры сярэднім значэньні для гэтага пэрыяду 48 мм.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG