«Новыя назвы, ініцыяваныя і падтрыманыя грамадзкасьцю падчас рэйтынгавага галасаваньня, павінны ўшанаваць памяць аб гістарычных падзеях Украіны, а таксама вядомых дзеячаў і герояў, якія праслаўлялі Ўкраіну і змагаліся за незалежнасьць нашай дзяржавы. У прыватнасьці, у цяперашняй расейска-ўкраінскай вайне», — напісаў ён у сваім тэлеграм-канале.
Мэр Кіева прывёў некалькі прыкладаў таго, як былі перайменаваны вуліцы:
- вуліца Генэрала Жмачэнкі цяпер называецца вуліцай князя Рамана Мсьціславіча;
- вуліца Маршала Маліноўскага — вуліца Герояў палка «Азоў»;
- плошча Тульская — плошча Герояў УПА (Украінскай паўстанцкай арміі);
- вуліца Карла Маркса — вуліца Гуцульская;
- вуліца Піцерская — вуліца Лёнданская;
- вуліца Мічурына — вуліца Марскіх пяхотнікаў.
Па словах Віталя Клічко, працэс перайменаваньня яшчэ не завершаны, на наступным пленарным пасяджэньні Кіеўская рада працягне працу над «дэрусіфікацыяй».
Усяго ў рэйтынгавым галасаваньні па перайменаваньні гарадзкіх аб’ектаў было 296 абʼектаў, якія былі адабраны экспэртнай камісіяй, паведаміў сакратар Кіеўская рада Ўладзімір Бандарэнка. Ён адзначыў, што прысваеньне новых назваў абʼектам мае важнае гістарычнае і нацыянальнае значэньне.
