Новы пакет уключае ў тым ліку 2000 сучасных дронаў для назіраньня і супрацьтанкавыя боепрыпасы.
Украіна таксама атрымае 850 нанадронаў Black Hornet, распрацаваных для вядзеньня выведвальных дзеяньняў у гарадзкіх і сельскіх умовах. У канцылярыі прэмʼер-міністра ўдакладнілі, што памер гэтых дронаў ня большы за мабільны тэлефон, а навучыцца кіраваць імі можна на працягу 20 хвілін.
Акрамя гэтага пакету дапамогі, Украіна атрымае ад Вялікай Брытаніі спэцыяльныя супрацьмінныя катэры з сучасным абсталяваньнем, якія дазваляюць абясшкоджваць марскія міны ў прыбярэжнай акваторыі. Украінскія вайскоўцы пройдуць навучаньне на гэтых катэрах у Вялікай Брытаніі ў наступныя некалькі тыдняў.
Вялікая Брытанія падтрымлівае Ўкраіну ў вайне з Расеяй зь першага дня канфлікту. Усяго зь лютага па жнівень 2022 году Ўкраіна атрымала ад Лёндану вайсковую дапамогу на суму 2,7 млрд даляраў.
