Нацбанк будзе перадаваць зьвесткі пра валютныя дамовы юрыдычных асоб і ІП дзяржаўным органам

Такія нормы прадугледжаны ўказам № 291 ад 22 жніўня, які афіцыйна апублікаваў Нацыянальны прававы інтэрнэт-партал і які набывае моц з 1 верасьня.

ААТ «Агенцтва замежнаэканамічнай дзейнасьці» будзе атрымліваць інфармацыю аб зарэгістраваных валютных зьнешнегандлёвых дамовах, заключаных юрыдычнымі асобамі і ІП.

Дзяржаўныя органы і іншыя дзяржаўныя арганізацыі змогуць атрымаць зьвесткі аб валютных дамовах, заключаных арганізацыямі, падпарадкаваным органам, якія ўваходзяць у іх сыстэму, або калі ім належаць акцыі, долі ў статутных фондах.

ГЛЯДЗІЦЕ ТАКСАМА:

У ЭЗ — 9,6%, у Беларусі — 18,1%. Як расьце інфляцыя ў Беларусі і сьвеце і што з гэтым рабіць

Ва ўказе агаворана, што зьвесткі будуць перадавацца шляхам прадастаўленьня аддаленага доступу да адпаведных дадзеных інфармацыйнага рэсурсу для рэгістрацыі валютных дамоваў Нацбанку. Пры гэтым перадача інфармацыі «не зьяўляецца парушэньнем банкаўскай тайны».

Указ прыняты «ў мэтах павышэньня эфэктыўнасьці замежнаэканамічнай дзейнасьці».

ГЛЯДЗІЦЕ ТАКСАМА:

«Беларусбанк» пяройдзе з даляраў на эўра пры разьліках у сыстэме Mastercard; ліпень паставіў рэкорд у сумах на рублёвых рахунках беларусаў

ГЛЯДЗІЦЕ ТАКСАМА:

Нацбанк: З пачатку года жыхары Беларусі прадалі замежных валютаў гатоўкай на 1,1 мільярд даляраў больш, чым купілі