Пра гэта, як піша НН, паведаміў першы віцэ-прэм’ер Беларусі Мікалай Снапкоў падчас цырымоніі адкрыцьця абноўленага беларускага павільёна на ВДНГ у Маскве.
Напярэдадні Аляксандар Лукашэнка заявіў, што Менск прапанаваў Маскве некалькі сумесных праектаў па замяшчэньні заходняга імпарту ва ўмовах санкцыйнага ціску. У Крамлі, па яго словах, такую ідэю ўхвалілі, і расейскі бок паабяцаў даць Беларусі крэдыт на гэтыя мэты ў памеры 1,5 мільярда даляраў.
Затым Мінпрам Беларусі заявіў, што Расея выдзеліць сродкі на рэалізацыю праграмаў па імпартазамяшчэньні, у прыватнасьці, у машынабудаўнічай галіне.
Так, у гарадзкім пасёлку Рудзенск Пухавіцкага раёну большую частку вытворчых магутнасьцяў задзейнічаюць для выпуску фар і ліхтароў для расейскага аўтапраму. Таксама ёсьць некалькі праектаў, заплянаваных да рэалізацыі на базе холдынгу «Амкадор».
