Памёр былы кіраўнік БССР Мікалай Сьлюнькоў, якога Алесь Адамовіч назваў «Чарнобыльскім Пілатам».

Пра гэта паведаміла дзяржаўнае агенцтва БелТА.

Мікалай Сьлюнькоў у 1983–87 гадах займаў пасаду 1-га сакратара ЦК КПБ. У 1987–1990 быў сакратаром ЦК КПСС, членам Палітбюро ЦК КПСС.

Па іроніі лёсу, Сьлюнькоў нарадзіўся ў дзень чарнобыльскай катастрофы — 26 красавіка.

Паводле адмысловай Камісіі Вярхоўнага Савету Беларусі 12-га скліканьня па расьсьледаваньні дзейнасьці службовых і іншых асобаў, датычных да ўтойваньня інфармацыі аб аварыі на Чарнобыльскай АЭС, Сьлюнькоў адыграў ключавую ролю ў тым, што ў першыя дні аварыі на ЧАЭС інфармацыя пра небясьпеку радыяцыі не была даведзеная да жыхароў Беларусі.

Пісьменьнік Алесь Адамовіч, які ў першыя ж дні пасьля аварыі дамогся прыёму ў Сьлюнькова і пераконваў яго ў магчымых катастрафічных наступствах аварыі, пазьней назваў яго «Чарнобыльскім Пілатам».

ГЛЯДЗІЦЕ ТАКСАМА:

Першы сакратар ЦК КПБ Сьлюнькоў пра аварыю ў Чарнобылі: «Ня трэба сеяць паніку». ВІДЭА

ГЛЯДЗІЦЕ ТАКСАМА:

«За бязьдзеяньне будуць судзіць, як за 1937 год», — экс-дырэктар ядзернага інстытуту пра наступствы аварыі на ЧАЭС у Беларусі