Лінкі ўнівэрсальнага доступу

Амэрыканскую баскетбалістку ў Расеі асудзілі на 9 гадоў калёніі


Брытні Грайнэр у судзе
Брытні Грайнэр у судзе

Суд у падмаскоўных Хімках прыгаварыў да дзевяці гадоў калёніі амэрыканскую баскетбалістку Брытні Грайнэр. Яе прызналі вінаватай у кантрабандзе наркотыкаў.

Грайнэр затрымалі ў лютым у аэрапорце Шарамецьева. У яе сумцы знайшлі гашышавы алей для вэйпу. Гэтае рэчыва забароненае да абароту ў Расеі, але легальнае ў некаторых штатах ЗША.

Грайнэр выступала за екацерынбурскі жаночы баскетбольны клюб УГМК. У складзе нацыянальнай зборнай ЗША яна двойчы выйгравала Алімпійскія гульні. У траўні ЗША прызналі Грайнэр «неправамерна затрыманай» і перадалі яе справу спэцыяльнаму пасланьніку прэзыдэнта Злучаных Штатаў у справах закладнікаў.

Расея і ЗША абмяркоўваюць магчымы абмен Грайнэр і яшчэ аднаго асуджанага ў Расеі амэрыканца, Пола Ўілана, на расейцаў, якія знаходзяцца ў зьняволеньні ў ЗША. Вашынгтон прапануе да абмену прыгаворанага да 25 гадоў турмы за гандаль зброяй расейца Віктара Бута.

Агенцтва Bloomberg паведамляла, што Масква настойвае на абмене толькі Грайнэр на Бута ці двух чалавек на двух.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG