Лінкі ўнівэрсальнага доступу

Rzeczpospolita: Хакеры з Расеі, Беларусі і Кітаю атакуюць Польшчу, асноўная цэль — Міністэрства абароны і вайсковыя ўстановы


Ілюстрацыйная выява
Ілюстрацыйная выява

Кожны тыдзень адбываецца больш за 1100 кібэр-атак на польскія вайсковыя цэнтры.

Як піша польскае выданьне Rzeczpospolita, Міністэрства нацыянальнай абароны Польшчы і вайсковыя ўстановы сталі асноўнай мішэньню кібэр-злачынцаў.

За масавымі атакамі стаяць групы, зьвязаныя з Масквой, але таксама тыя, якіх падтрымліваюць Беларусь і Кітай, папярэджвае Check Point Research (CPR), ізраільская кампанія, што спэцыялізуецца на супрацьдзеяньні інтэрнэт-пагрозам.

Яе апошнія зьвесткі паказваюць, што ў Польшчы кожны тыдзень наносіцца ў сярэднім 1106 такіх удараў па адной урадава-вайсковай сетцы. Дасьледнікі паказваюць, што ў 53 адсотках выпадкаў напады накіраваныя на раскрыцьцё канфідэнцыйных зьвестак.

Check Point паведамляе, што большасьць лічбавых нападаў пасьпяхова блякуюцца польскімі сыстэмамі бясьпекі.

Вайсковы сэктар — другі ў сьвеце пасьля сфэры адукацыі і дасьледаваньняў, дзе актыўнасьць кібэр-злачынцаў найболей высокая. А ў Польшчы апошнім часам менавіта войска — асноўны аб’ект, на якім хакеры засяроджваюць свае дзеяньні. Па дадзеных CPR, сярод кібэр-злачынцаў пераважаюць група UNC1151 (таксама вядомая як Ghostwriter), зьвязаная зь беларускім рэжымам, група Fancy Bear (таксама вядомая як APT28), якая падтрымліваецца Крамлём, і Killnet або Mustang Panda, зьвязаная з Кітаем.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG