Яна патлумачыла, што ў Данецкай вобласьці няма газазабесьпячэньня.
«На жаль, вораг зноў і зноў зьнішчае ўсё, што магло б сагрэць людзей зімой. Адсутнічае належнае электразабеспячэньне. Адным словам, цяпла зімой у Данецкай вобласьці не будзе. У 33 артыкуле Кодэксу аб грамадзянскай абароне насельніцтва менавіта такая форма эвакуацыі сказана як абавязковая. Лічу, што гэта абавязак кожнага дарослага члена сям’і. У Данецкай вобласьці 52 тысячы дзяцей, іх трэба эвакуаваць, нельга іх падвяргаць сьмяротнай небясьпецы зімой безь цяпла, сьвятла, без магчымасьці сагрэцца», — сказала Верашчук у эфіры ўкраінскага тэлемарафону.
Паводле яе слоў, з Данецкай вобласьці давядзецца эвакуаваць ня менш за 200-220 тысяч мясцовых жыхароў. Яна адзначыла, што ў грамадзян будзе магчымасьць пісьмова адмовіцца ад эвакуацыі.
