Лінкі ўнівэрсальнага доступу

Вайсковага экспэрта Лебядка ня выпусьцілі на волю пасьля 15 дзён арышту, зьявілася інфармацыя пра яго крымінальную справу


Ягор Лебядок
Ягор Лебядок

Лебядка затрымалі 12 ліпеня ў Смалявічах, тэрмін арышту яго мусіў скончыцца 27 ліпеня. Аднак сёньня раніцай экспэрт па-ранейшаму недаступны.

Як паведамляе DW, Ягор Лебядок ня выйшаў на волю пасьля 15 дзён арышту.

Як паведамілі праўладныя тэлеграм-каналы, Ягор Лебядок абвінавачаны паводле крымінальнага артыкулу 361-4 (садзейнічаньне экстрэмісцкай дзейнасьці). Яму пагражае да 6 гадоў зняволеньня.

Ягор Лебядок — вядомы ў Беларусі незалежны вайсковы экспэрт. Апошнім часам ён аналізаваў пагрозы для Беларусі ў кантэксьце вайны Расеі супраць Украіны і прагназаваў, у якім выпадку рэжым Лукашэнкі можа ўцягнуць у вайну беларускія войскі.

Падчас затрыманьня 12 ліпеня ў Лебядка адбыўся ператрус, у яго канфіскавалі мабільны тэлефон і сыстэмны блёк кампутара.

16 жніўня Ягора Лебядка прызналі палітычным вязьнем.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG