Яго абвінавачваюць паводле артыкула аб публічных дзеяньнях, накіраваных на дыскрэдытацыю войска Расейскай Фэдэрацыі. Раней справу вярталі сьледчым з прычыны выяўленых недахопаў у дакумэнтацыі.
Адміністрацыйны пратакол на Шаўчука склалі ў траўні, пасьля таго як на адным з сваіх выступаў ва ўфімскім спарткомплексе «Уфа-Арэна» ён нібыта з крытыкай выказаўся пра «спэцапэрацыю» Расеі на тэрыторыі Ўкраіны. У прыватнасьці, ён сказаў: «Радзіма, сябры, гэта ня ж...па прэзыдэнта, якую трэба ўвесь час мусоліць, цалаваць. Радзіма — гэта бабуля-жабрачка на вакзале, якая прадае бульбу. Вось гэта радзіма».
На працягу сваёй шматгадовай творчай кар’еры Юры Шаўчук неаднаразова выступаў з антываенных і пацыфісцкіх пазыцыяў. У ліпені пецярбурскае навіннае выданьне «Фонтанка» паведаміла, што Шаўчук трапіў у сьпіс расейскіх музыкаў, чые выступы прызнаныя ўладамі непажаданымі.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў