Як паведамляе Sky News, заяўкі падаюць былы міністар фінансаў Рышы Сунак, цяперашняя міністарка замежных справаў Ліз Трас, Джэрэмі Гант, Надхім Захаві, парлямэнтары Пэні Мордант, Том Тугендхат, Кемі Бадэнах, генэральная пракурорка Англіі і Уэльсу Суэла Бравэрман.
Незадоўга да абвяшчэньня сьпісу Саджыд Джавід і Рэхман Чышці абвясьцілі, што здымаюцца з выбарчай гонкі, бо не атрымалі дастатковай падтрымкі з боку дэпутатаў. Раней Грант Шэпс зьняўся з гонкі.
Спаборніцтва за пасаду лідэра торы пачалася сёньня.
7 ліпеня прэмʼер-міністар Вялікай Брытаніі Борыс Джонсан абвясьціў аб сваёй адстаўцы.
Пасьля заявы аб сваёй адстаўцы Джонсан паабяцаў, што Лёндан працягне падтрымліваць Украіну ў барацьбе з расейскай агрэсіяй.
«Хачу зьвярнуцца да народу Ўкраіны. Я ведаю, што мы ў Вялікай Брытаніі будзем працягваць падтрымліваць вашую вайну за свабоду столькі, колькі спатрэбіцца», — сказаў Джонсан.
Афіцыйнае абвяшчэньне новага прэмʼер-міністра адбудзецца ў пачатку кастрычніка.
58-гадовы Джонсан прыйшоў да ўлады ў сьнежні 2019 года.
