Лінкі ўнівэрсальнага доступу

ААН: каля 10 мільёнаў украінцаў праз вайну пакінулі свае дамы ў пошуках бясьпекі


Чэргі з уцекачамі з Украіны на мяжы
Чэргі з уцекачамі з Украіны на мяжы

У Офісе Вярхоўнага камісара ААН у справах уцекачоў зафіксавалі, што з 24 лютага, ад пачатку расейскага ўварваньня ва Ўкраіну, украінскую мяжу на выезд перасеклі 8 792 763 грамадзяны, а з 28 лютага мяжу на ўезд ва Ўкраіну перасеклі 3 296 112 грамадзян.

Паводле зьвестак ААН, колькасьць уцекачоў з Украіны, якія зарэгістраваліся на часовую абарону або іншыя нацыянальныя праграмы абароны ў Эўропе, складае 3 610 805 грамадзян, і яшчэ 5 640 475 асобаў — індывідуальныя ўцекачы.

Публікуючы гэтую статыстыку, Офіс Вярхоўнага камісара ААН у справах уцекачоў адзначае, што ўсе гэтыя лічбы маюць прыблізны характар і складаюцца з тых, што перадалі ўкраінскія ўлады.

Экспэрты асобна падкрэсьлілі, што гэтая статыстыка адлюстроўвае «трансмежнае перамяшчэньне грамадзян, а ня іхную колькасьць». Вяртаньне ва Ўкраіну можа мець маятнікавы характар і не абавязкова сьведчыць пра ўстойлівае вяртаньне, паколькі «сытуацыя па ўсёй Украіне застаецца вельмі нестабільнай і непрадказальнай», — адзначаецца ў тлумачэньнях гэтай статыстыкі.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG