Лінкі ўнівэрсальнага доступу

На затрыманых рэдактараў парталу «Аўтабізнэс» завялі крымінальныя справы


Ілюстрацыйнае фота. Затрыманьні ў Менску, лістапад 2020 году
Ілюстрацыйнае фота. Затрыманьні ў Менску, лістапад 2020 году

17 чэрвеня ў праўладных тэлеграм-каналах зьявіліся «пакаяльныя відэа» з удзелам галоўнай рэдактаркі сайта ABW.by Юліі Мудрэўскай і рэдактара спэцпраектаў Юрыя Гладчука.

У паведамленьні праўладнага каналу сьцьвярджаецца, што супраць Гладчука завялі справу па «народным» 342-ым артыкуле Крымінальнага кодэксу Беларусі («Арганізацыя і падрыхтоўка дзеяньняў, якія груба парушаюць грамадзкі парадак, або актыўны ўдзел у іх»). На відэа Гладчук кажа, што «браў удзел у несанкцыянаваных мітынгах», быў падпісаны на «экстрэмісцкія тэлеграм-каналы».

Пад відэа зь Юліяй Мудрэўскай таксама паведамляецца, што супраць яе завялі крымінальную справу, але па якім артыкуле — не ўдакладняецца. На відэа яна кажа, што ў жніўні і верасьні 2020 году «брала ўдзел у несанкцыянаваных мерапрыемствах».

16 чэрвеня стала вядома, што сілавікі затрымалі трох супрацоўнікаў вядучага беларускага аўтамабільнага парталу ABW.by — галоўную рэдактарку сайта Юлію Мудрэўскую, рэдактара рэклямных праектаў Юрыя Гладчука і выпускаючага рэдактара Вадзіма Зянкевіча.

За дзень да гэтага ў Інстаграме выданьня зьявілася публікацыя, у якой супрацоўнікаў парталу абвінавачвалі ў тым, што яны нібыта «рабілі дзікунства і напружвалі сытуацыю ў краіне». У публікацыі былі выстаўленыя скрыны службовай перапіскі супрацоўнікаў парталу ў працоўным чаце.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG