Альжыр падтрымлівае рух за незалежнасьць Заходняй Сахары — Front Polisario, што прывяло да істотнага пагаршэньня сувязяў суседніх краін Паўночнай Афрыкі, піша Голас Амэрыкі.
У адпаведнасьці з дамовай аб сяброўстве, падпісанай у 2002 годзе, Альжыр і Гішпанія дамовіліся супрацоўнічаць у пытаньнях кантролю за міграцыйнымі патокамі і барацьбы з гандлем людзьмі.
Міністэрства замежных спраў Гішпаніі выступіла з заявай, у якой выказала шкадаваньне аб рашэньні Альжыру, але «застаецца прыхільным захаваньню прынцыпаў дамовы».
Рост напружанасьці паміж Альжырам і Гішпаніяй таксама можа яшчэ больш ускладніць ролю Альжыру ў якасьці ключавога пастаўшчыка прыроднага газу ў Гішпанію. Летась Альжыр спыніў прапампоўваньне газу па трубаправодзе, які праходзіць праз Марока.
