Украінскія войскі адбіваюць атакі расейскіх войскаў і спрабуюць дамагчыся кантролю на пануючых вышынях для магчымых манэўраў.
5 чэрвеня кіраўнік Луганскай абласной вайсковай адміністрацыі Сяргей Гайдай, спаслаўшыся на перахоп размоў праціўніка, заявіў, што расейскім войскам пастаўленая задача да 10 чэрвеня ўзяць пад поўны кантроль трасу Лісічанск — Бахмут.
6 чэрвеня на Бахмуцкім напрамку расейская армія абстрэльвала пазыцыі ўкраінскіх падразьдзяленьняў зь мінамётаў, артылерыі і рэактыўнай артылерыі ў раёнах гарадоў Залатое, Арэхава, Горскае.
У Генштабе Ўкраіны паведамілі аб штурмавых дзеяньнях расейскіх войскаў у населеных пунктах Камышуваха, Берастаў і Мікалаеўка і адзначылі, што расейскія вайскоўцы «ня мелі посьпеху і панесьлі значныя страты».
