Рэжым надзвычайнага становішча ў Вугоршчыне пачнецца апоўначы. Ён дазволіць ураду абыходзіць парлямэнт і хутчэй прымаць указы. Пра першыя захады ва ўмовах надзвычайнага становішча ўрад абвесьціць у сераду, 25 траўня.
Раней Віктар Орбан выключыў магчымасьць абмеркаваньня прапанаванага ЭЗ нафтавага эмбарга супраць Расеі на саміце лідэраў на наступным тыдні. Ён зьвярнуўся да прэзыдэнта Эўрапейскай рады Шарля Мішэля зь лістом, у якім сказаў, што ягоная краіна ня можа падтрымаць санкцыі бяз больш падрабязнай інфармацыі аб фінансаваньні ЭЗ, якое можа дапамагчы Будапэшту адмовіцца ад расейскай нафты.
Адмова Орбана абмяркоўваць пакет ставіць пад пагрозу пляны Брусэля пакласьці канец залежнасьці ЭЗ ад расейскай нафты.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў