Элбанізі абвясьціў радасным прыхільнікам, што аўстралійцы «прагаласавалі за зьмены». Аднак пакуль незразумела, ці зможа ён забясьпечыць сабе большасьць у парлямэнце.
Левацэнтрысцкі лідэр паабяцаў аб’яднаць людзей, інвэставаць у сацыяльныя службы і «спыніць кліматычныя войны».
Дзейны прэм’ер, лідэр Лібэральнай партыі Скот Морысан прызнаў паразу і падзякаваў за «цуд аўстралійскага народу».
Найбольшым сюрпрызам выбараў стаў рост папулярнасьці зялёных і незалежных кандыдатаў, якія рабілі стаўку на кліматычныя тэмы.
Яны маглі б займець большы ўплыў, калі б лейбарысты ня здолелі забясьпечыць сабе 76 месцаў у ніжняй палаце для самастойнага кіраваньня. Паводле стану на вечар у суботу яны мелі 72 месцы супраць 55 ад кааліцыі, паводле прагнозаў тэлеканалу ABC.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў