Разам з тым украінскае ваеннае камандаваньне не выключае «ўчыненьня праціўнікам правакацый у прыгранічных раёнах».
«Захоўваецца пагроза зьдзяйсьненьня праціўнікам ракетна-бомбавых удараў па аб’ектах ваеннай і цывільнай інфраструктуры на тэрыторыі Ўкраіны, — гаворыцца ў зводцы. — Паводле інфармацыі, на тэрыторыі Рэспублікі Беларусь да гэтага часу разгорнуты расейскія апэратыўна-тактычныя ракетныя комплексы „Іскандэр-М“, а асобныя авіяцыйныя падразьдзяленьні Паветрана-касьмічных сіл РФ працягваюць базавацца на пэўных аэрадромах».
Раней Генштаб УСУ паведамляў, што ў раёне Грабаўкі, Глыбоцкага і Калініна ў Гомельскай вобласьці «праведзена інжынэрнае абсталяванае пазыцый». У ваеннай справе пад інжынэрным абсталяваньнем пазыцый разумеецца ўсталяваньне акопаў, укрыцьцяў, а таксама ўстаноўка інжынэрных загародаў.
