Сайт не зьмяшчае самі кнігі, а дае спасылкі на пляцоўкі, дзе іх можна паслухаць альбо набыць. Тут можна хутка знайсьці аўдыякнігі сучасных аўтараў, а таксама клясічныя і дзіцячыя творы ў аўдыяфармаце.
На дадзены момант на сайце больш за 340 твораў з такіх крыніц, як Кніжны Воз, Беларуская палічка, Камунікат, Радыё Свабода, Беларускі ПЭН-цэнтр, Мінінфарм РБ і іншых.
«Ідэя стварыць сайт прыйшла не адразу. Пачалі мы з запісу аўдыякніг сучасных беларускіх аўтараў. Але ж кнігу запісаць — запісалі, а дзе пра яе напісаць, каб беларусы даведаліся? Дзеля гэтага пачалі канал, каб посьціць навіны пра нашыя кнігі і іншыя аўдыякніжнія рэлізы. Выявілася яшчэ адна праблема: калі навіны ёсьць дзе посьціць, няма месца, дзе можна паглядзець, „што ўжо запісана“. Скроліць пасты не вельмі зручна. Таму і вырашылі стварыць адмысловы сайт», — пішуць аўтары праекту.
На сайце ўжо можна паглядзець усе кнігі, агучаныя купалаўкай Крысьцінай Дробыш знайсьці запісаныя кнігі Ўладзіміра Караткевіча.
