Ва ўмовах ваеннага часу хутка пацьвердзіць ці абвергнуць заявы нават афіцыйных асоб складана.
«Пяць аўтобусаў трапілі пад прыцэльны агонь ворага, калі спрабавалі праехаць у акружаны горад, каб эвакуіраваць людзей. У аўтобусе знаходзіліся толькі цывільныя валянтэры. З прычыны абстрэлу адзін чалавек загінуў, чатыры цяжка паранены», — удакладніла яна.
Паводле інфармацыі Дзянісавай, аднаму з аўтобусаў «удалося вырвацца» на прабітых шынах. Кіроўца быў паранены, яго даставілі ў лякарню.
Упаўнаважаная ВР па правах чалавека адзначыла, што расейскія вайскоўцы «не даюць ніякай магчымасьці вывезьці мірнае насельніцтва з заблякаванага Чарнігава, фактычна трымаючы дзясяткі тысяч людзей у якасьці закладнікаў бязь ежы, вады, цяпла і ў той жа час штодня абстрэльваючы жылыя кварталы зь цяжкай артылерыі».
Яна падкрэсьліла, што такія дзеяньні зьяўляюцца «чарговым ваенным злачынствам і злачынствам супраць чалавечнасьці», і заклікала камісію ААН па расьсьледаваньні парушэньняў правоў чалавека падчас ваеннага ўварваньня Расеі ва Ўкраіну ўлічыць гэтыя факты.
30 сакавіка кіраўнік Чарнігаўскай абласной адміністрацыі Вячаслаў Чавус напісаў аб сытуацыі ў вобласьці — пасьля заяў расійскага Мінабароны аб скарачэньні войскаў на кіеўскім і чарнігаўскім напрамках.
«Зьмяншэньне актыўнасьці» на Чарнігаўшчыне вораг прадэманстраваў ударамі па Нежыне, у тым ліку і авія, і ўсю страляў па Чарнігаве. Ізноў зьнішчаны аб’екты грамадзянскай інфраструктуры, зьнішчаны бібліятэкі, гандлёвыя цэнтры і іншыя абʼекты, вельмі шмат дамоў" — напісаў Чавус.
Ён дадаў, што ён не верыць ні ў якія скарачэньні войскаў і ў вобласьці гатовы да любога разьвіцьця падзей.
- Ва ўмовах ваеннага часу рэдакцыя не можа праверыць дадзеную інфармацыю пра Чарнігаў, але віцэ-прэмʼер Украіны Ірына Верашчук падкрэсьлівала, што гуманітарныя калідоры для эвакуацыі жыхароў Чарнігава так і не ўдалося ўзгадніць. А намесьнік кіраўніка адміністрацыі Уладзіміра Зяленскага Кірыл Цімашэнка адзначаў, што гэта адбываецца па віне Расеі. Паводле яго слоў, Украіна прыкладае ўсе намаганьні, каб адкрыць калідор з Чарнігава, але Расія «не выконвае дамоўленасьці і не дае гэтага зрабіць: на жаль, акупанты абстрэльваюць з артылерыі ўсе праезды з горада Чарнігава ў Кіеў».
