«Сёньня Чэхія, Эстонія, Польшча, Францыя, Грузія, Нямеччына, Ірляндыя, Латвія, Літва, Нідэрлянды, Швэцыя, Вялікая Брытанія і ЗША падпісалі сумесную заяву «Аб надзённай неабходнасьці мадэрнізацыі сыстэмы супрацьпаветранай абароны Ўкраіны». «Я шчыра ўдзячны за падтрымку Ўкраіны ў гэты няпросты час», — сказаў Стэфанчук.
Паводле яго слоў, прадстаўнікі розных краін сьвету патрабуюць рашучых дзеяньняў, каб усталяваць мір ва Ўкраіне.
«А менавіта: для падтрымкі вайсковай і цывільнай абароны Ўкраіны — для забесьпячэньня аховы паветранай прасторы і для спыненьня перамяшчэньня тэхнікі праціўніка па тэрыторыі Ўкраіны. Гэта можна зрабіць шляхам пастаўкі супрацьтанкавага і зэнітнага ўзбраеньня. Аказваць гуманітарную дапамогу — забясьпечваць дастаўку прадуктаў харчаваньня і мэдыкамэнтаў ва ўкраінскія гарады, якія цяпер пад абстрэламі і бамбаваньнямі; выратаваць параненых і бежанцаў. Абараніць ядзерныя аб’екты Ўкраіны, якія становяць пагрозу для ўсіх суседніх краін», — сказаў Стэфанчук.
