Як напісала ў Інстаграме цёця дзяўчынкі, пасьля апэрацыі тая пасьпяхова аднавілася і ўжо размаўляе, усьміхаецца, гуляе і даглядае свайго сабаку.
«Апэрацыя на галаўным мозгу прайшла фэнамэнальна. Беларускія Дактары зрабілі ўсё магчымае і немагчымае, за што ім паклон і дзякуй! Дзякуй усяму мэдпэрсаналу, вадзіцелям і ўсім, хто дапамагаў чым мог! Вялікі дзякуй беларусам, якія прапанавалі дапамагчы, вы проста неверагодна шчырыя і добрыя людзі. Шчыра жадаю свабоды!» — напісала жанчына, разьмясьціўшы пасьля падзякі бел-чырвона-белыя сэрцы.
Насьця — так завуць дзяўчынку — ужо пакінула Беларусь. Цяіпер яна ў Эўропе, пад наглядам лекараў. ⠀
Бацькі і брат дзяўчынкі загінулі. У яе засталася бабуля. Трагічную гісторыю сям'і Насьці апісаў у сваім Фэйсбуку міністар замежных справаў Украіны Дзьмітро Кулеба.
«28 лютага ў Кіеўскай вобласьці расейскія вайскоўцы абстралялі машыну зь мірнай сям’ёй, якая спрабавала пакінуць зону баявых дзеяньняў. Загінулі маці і бацька і 18-гадовы сын. 5,5-гадовая бабуля і ўнучка, якія атрымалі кулявое раненьне галавы, засталіся жывыя. Акупанты забралі іх у Беларусь. Іх знайшлі нашыя консулы. Дзіця прааперавалі ў адной зь беларускіх бальніц». — напісаў міністар.
Кулеба падзякаваў украінскім консулам і амбасадзе, а таксама беларускім мэдыкам, якія выратавалі дзіця, і беларускаму добраахвотніку, які суправаджаў нашых суграмадзян да мяжы.
⠀⠀
