Ён паведаміў, што падчас вайны загінулі ўжо 1300 украінскіх вайскоўцаў. Ягоныя словы перадае Hromadske.
«У нашай краіне загінулі каля 1300 вайскоўцаў, у Расеі — больш за 12 тысяч. Адзін да дзесяці. Мяне ня радуе, што іх 12 тысяч загінула. Гэта не маё бачаньне сьвету», — сказаў Зяленскі.
Прэзыдэнт Украіны таксама паведаміў, што на сёньняшні дзень Украіна ўзяла ў палон каля 600–700 расейскіх вайскоўцаў.
Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, пакуль немагчымая.