Пра гэта паведамляе карэспандэнт Свабоды ў Брусэлі Рыкард Юзьвяк. Ён называе тры банкі, якія падпадуць пад санкцыі, — Белаграпрамбанк, банк Дабрабыт і беларускі Банк разьвіцьця.
Санкцыі закрыюць тром беларускім банкам доступ да сыстэмы SWIFT. Таксама ЭЗ плянуе дадаць у свой «чорны сьпіс» некалькіх алігархаў і расейскіх дэпутатаў.
Новы пакет санкцый таксама прадугледжвае забарону на экспарт марскіх тэхналёгій з ЭЗ у Расею і дае рэкамэндацыі па маніторынгу крыптавалют, каб пазьбегнуць іх выкарыстаньня для абыходу санкцый ЭЗ, паведамляе Reuters.
