Лінкі ўнівэрсальнага доступу

Вярхоўная Рада просіць увесьці ва Ўкраіну міратворцаў ААН


Вярхоўная Рада Ўкраіны зьвярнулася да Генэральнага сакратара ААН з заклікам да пасярэдніцтва дзеля спыненьня вайны.

Вярхоўная Рада просіць Арганізацыю Аб’яднаных Нацыяў увесьці на тэрыторыю Ўкраіны міратворчыя сілы згодна з рэзалюцыяй ААН «Абʼяднаньне дзеля міру» ад 1950 году.

Пра гэта паведамляе УНІАН з спасылкай на прыняты сёньня парлямэнтам зварот да міжнародных арганізацыяў.

Дэпутаты заклікалі ААН, Чырвоны Крыж, Эўрапарлямэнт неадкладна забясьпечыць абарону насельніцтва Ўкраіны ад узброенага нападу расейскіх войскаў.

Ідзецца, у прыватнасьці, пра неадкладнае ўвядзеньне беспалётнай зоны над Украінай, неадкладнае адкрыцьцё «зялёных» калідораў для бясьпечнай эвакуацыі людзей і ўвод ва Ўкраіну міратворчых сілаў ААН.

Таксама Вярхоўная Рада зьвярнулася да Генэральнага сакратара ААН з заклікам да пасярэдніцтва дзеля спыненьня вайны.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG