Як стала вядома Радыё Свабода, санкцыі ўключаюць дадатковыя абмежаваньні, зьвязаныя з гандлем таварамі, якія выкарыстоўваюцца для вытворчасьці тытунёвых вырабаў, мінэральнага паліва, бітумных рэчываў і газападобных вуглевадародных прадуктаў, калійных прадуктаў, вырабаў з драўніны, цэмэнту, жалеза і сталі, гумовыя вырабы.
Таксама Эўразьвяз пашырае абмежаваньні на пастаўку ў Беларусь тавараў і тэхналёгій двайнога прызначэньня і на аказаньне спадарожных паслуг, а таксама абмежаваньні на экспарт тавараў і тэхналёгій, якія могуць спрыяць разьвіцьцю вайсковай, тэхналягічнай, абароннай бясьпекі Беларусі. Уводзяцца абмежаваньні і на аказаньне беларускаму боку адпаведных паслуг.
Увесь пералік санкцыйнай прадукцыі займае 120 старонак.
Рашэньне пра санкцыі набудзе моц пасьля афіцыйнай публікацыі сёньня пазьней ці заўтра.
