Міністэрства інфармацыі Беларусі заблякавала сайты gordonua.com і obozrevatel.com.
У ведамстве патлумачылі, што падставай для блякаваньня паслужыла распаўсюджваньне на сайтах gordonua.com і obozrevatel.com «экстрэмісцкіх матэрыялаў» у парушэньне арт. 38 Закону Рэспублікі Беларусі «Аб сродках масавай інфармацыі»:
«Апошнім часам асобныя сацыяльныя сеткі і мэсэнджары актыўна выкарыстоўваюцца для прасоўваньня недакладнай і фэйкавай інфармацыі аб падзеях ва Ўкраіне, прапаганды вайны і заклікаў да незаконных дзеяньняў», — гаворыцца ў паведамленьні міністэрства.
