Двое дзяцей прыехалі на мяжу на машыне незнаёмкі Натальлі Аблеевай. Бацька дзяцей папрасіў яе давезьці хлопчыка і дзяўчынку на мяжу з Вугоршчынай. Ён сам ня змог пакінуць Украіну праз забарону выяжджаць усім украінскім мужчынам ва ўзросьце ад 18 да 60 гадоў.
«Іх бацька проста перадаў мне двух дзяцей і даверыўся мне, даў пашпарты, каб прывезьці іх», — сказала Аблеева. Яна таксама распавяла, што мужчына даў ёй нумар тэлефона маці дзяцей, якая мела прыехаць на мяжу з Італіі, каб адвезьці сына і дачку ў бясьпечнае месца.
Цяпер сям’я спадзяецца, што празь некалькі тыдняў яны змогуць вярнуцца дадому і ўзьяднацца з мужам і бацькам.
