«Злучаныя Штаты зьвязаліся з Даніяй, прапанаваўшы двухбаковае супрацоўніцтва ў галіне абароны», — сказала Фрэдэрыксэн журналістам 10 лютага.
Яна дадала, што «дакладны характар гэтага супрацоўніцтва пакуль ня вызначаны, але яно можа ўключаць у сябе прысутнасьць амэрыканскіх войскаў і вайсковай тэхнікі ў Даніі».
Дзярждэпартамэнт ЗША заявіў, што вітае заяву Фрэдэрыксэн, і дадаў, што будучае пагадненьне «дазволіць нашым краінам паглыбіць шчыльнае партнэрства» і «ўзмацніць супрацоўніцтва ў апэрацыях NATO».
Міністар абароны Даніі Мортэн Бёдскаў падкрэсьліў, што любое вайсковае пагадненьне са Злучанымі Штатамі ня будзе прадугледжваць разьмяшчэньня ў краіне сталых вайсковых базаў ЗША і што ядзерная зброя ня будзе разьмяшчацца ў Даніі. Паводле ягоных слоў, фармальныя перамовы аб вайсковым пагадненьні павінны пачацца ў бліжэйшыя месяцы.
Войскі ЗША ўжо разьмешчаныя на сталай аснове ў шэрагу эўрапейскіх краінаў, у тым ліку ў Нямеччыне, Бэльгіі і Вялікай Брытаніі.
- Напружанасьць узмацнілася ў апошнія месяцы пасьля таго, як Расея сканцэнтравала больш за 100 тысячаў вайскоўцаў уздоўж мяжы з Украінай, што выклікала трывогу наконт магчымага ўварваньня. Масква адмаўляе намер уварвацца ва Ўкраіну.
- Краіны NATO таксама нядаўна часова павялічылі колькасьць войскаў у Нарвэгіі, Усходняй Эўропе і краінах Балтыі.
