Пра гэта паведамляе МЗС Беларусі.
Макей адзначыў сымбалізм сустрэчы напярэдадні 30-годзьдзя з дня ўсталяваньня дыпляматычных адносін паміж Беларусьсю і Швайцарыяй.
Бакі абмеркавалі актуальны стан і пэрспэктывы разьвіцьця супрацоўніцтва Беларусі і Швайцарыі ў палітычнай, гандлёва-эканамічнай, інвэстыцыйнай, гуманітарнай і іншых сфэрах.
Раней Гонэгер Залатухін назвала адным са сваіх прыярытэтаў на новай пасадзе працу над тым, каб людзі, пазбаўленыя свабоды, маглі рэалізоўваць свае палітычныя і грамадзянскія правы. Акрамя гэтага, амбасадарка мае намер «наладжваць дыялёг з шырокім колам асобаў у Беларусі».
Раней афіцыйны прадстаўнік Фэдэральнага дэпартамэнту па замежных справах Швайцарыі Валянцін Кліва заявіў:
«Фэдэральны дэпартамэнт па замежных справах (FDFA) пацьвярджае, што новы амбасадар уручыць даверчыя лісты кіраўніку дзяржавы, як гэта прынята ў дыпляматыі большасьці краін. Швайцарыя не камэнтуе легітымнасьць урадаў, яна толькі прызнае дзяржавы. Таму ўручэньне даверчых лістоў не зьяўляецца для Швайцарыі актам прызнаньня. Паколькі ўстойлівае вырашэньне крызісу ў Беларусі можа быць знойдзена толькі пры ўдзеле ўсіх адпаведных палітычных сілаў, для Швайцарыі было важна заставацца прадстаўленай на самым высокім узроўні».
