Лінкі ўнівэрсальнага доступу

Міністар культуры заявіў, што больш як 300 супрацоўнікаў звольненыя за «дэструктыўную пазыцыю»


Міністар культуры Анатоль Маркевіч. Архіўнае фота
Міністар культуры Анатоль Маркевіч. Архіўнае фота

300 чалавек «папрасілі» за «дэструктыўную пазыцыю» з установаў культуры, 1611 штатную адзінку «аптымізавалі». Такія вынікі 2021 году агучыў міністар культуры Анатоль Маркевіч на «дыялёгавай пляцоўцы» у Стоўпцах.

СБ цытуе словы міністра культуры Анатоля Маркевіча ў Стоўпцах.

«Ня буду хаваць, што праводзілі і праводзім сур’ёзную працу па тых нашых супрацоўніках, работніках, якія займаюць дэструктыўную пазыцыю, — заявіў міністар. — Маё глыбокае перакананьне, што на двух крэслах знаходзіцца не атрымліваецца. Гэта недапушчальна. Трэба вызначыцца ўрэшце. З гэтых меркаваньняў больш за 300 чалавек з нашых калектываў папрасілі. І лічу гэта слушным. Работнікі культуры пастаянна ўзаемадзейнічаюць зь людзьмі і шмат у чым фармуюць грамадзкую думку. Таму нельга паводзіць сябе паводле падвойных стандартаў. Трэба вызначыцца».

  • У 2020–2021 гг. культурніцкая сфэра зазнала шматлікія звальненьні з палітычных прычынаў. Кіраўнікі розных установаў пазбаўляліся працы за адмову звальняць супрацоўнікаў, якія ўдзельнічалі ў акцыях пратэсту альбо падпісваліся не за Лукашэнку.
  • 4 студзеня працу страціла дырэктарка музэю імя Янкі Купалы Алена Ляшковіч, якая кіравала музэем 15 гадоў. Дырэктарка адмовілася звальняць сваіх супрацоўнікаў з надуманых «палітычных» прычынаў.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG